2024 උසස් පෙළ විභාගය නොවැම්බර් 25 සිට දෙසැම්බර් 20 වනදා දක්වා පැවැත්වීමට සියලු කටයුතු සුදානම් බව විභාග කොමසාරිස් ජනරාල් අමිත් ජයසුන්දර මහතා පවසනවා.
විභාගය පැවැත්වෙන දින පිළිබඳ තීරණය කළේ පසුගිය මාර්තු මාසයේ දී බවත් උසස් පෙළ විභාගය පිළිබඳ සමාජ මාධ්‍ය තුළින් පැතිර යන වැරදි ප්‍රචාර හේතුවෙන් මේ පිළිබඳ දැනුම් දුන් බවත් ඔහු පැවසුවා.
විභාග කොමසාරිස් ජනරාල් අමිත් ජයසුන්දර මහතා මෙම අදහස් පළ කළේ අද පැවති විශේෂ මාධ්‍ය හමුවකට එක්වෙමින්.
2024 උසස් පෙළ විභාගයට අදාළ කාලසටහන විභාග දෙපාර්තමේන්තුවේ නිල වෙඩ් අඩවියෙන් පමණක් බාගත කරගන්නා ලෙසයි උසස් පෙළ අපේක්ෂකයින්ට එහිදී දැනුම් දුන්නේ.
උසස් පෙළ විභාගයේ ප්‍රවේශපත්‍ර කඩිනමින් අපේක්ෂකයින්ට ලබා දීමට නියමිත බවයි විභාග කොමසාරිස් ජනරාල් අමිත් ජයසුන්දර මහතා වැඩිදුරටත් පැවසුවේ.
සිසුන් කිහිපදෙනෙකුගෙන් පමණක් විභාග කල්දමන ලෙසට ඉල්ලීම් ලැබී තිබූ බවත් උසස් පෙළ විභාගයේ දින තීරණය කළේ සම්පූර්ණ විෂය ආවරණ කාලය පිළිබඳ අවධානය යොමුකර බවත් ඔහු පැවසුවා.
