මේ වසරේ පකිස්තානයේ පෝලියෝ වයිරසයෙන් පීඩාවට පත් වූ ළමුන් 43 දෙනාගෙන් 25 දෙනෙකුට කිසි විටෙක සාමාන්‍ය ප්‍රතිශක්තිකරණ මාත්‍රාවක් ලැබී නොතිබූ අතර, හතර දෙනෙකුට අර්ධ වශයෙන් පමණක් එන්නත් ලබා දී ඇතැයි එරට මාධ්‍ය වාර්තා කරනවා.
එය ළමුන් හතර දෙනෙකු මිය ගොස් අනෙක් අය සදාකාලික ආබාධිත තත්ත්වයට පත් කිරීමට හේතු වී ඇති බවයි වාර්තා වන්නේ.
alochistan හි වැඩිම ශුන්‍ය මාත්‍රා රෝගීන් සංඛ්‍යාවක් වාර්තා වී ඇති අතර, පෝලියෝ රෝගයට ගොදුරු වූ ළමුන් 22 දෙනාගෙන් 17 දෙනෙකුට එකදු පෝලියෝ මර්ධන එන්නත් මාත්‍රාවක් ලැබී නොතිබුණි.
Khyber Pakhtunkhwa හි, පෝලියෝ රෝගයට ගොදුරු වූ ළමුන් හත් දෙනාගෙන් හතර දෙනෙකුම මාත්‍රා රහිත රෝගීන් විය.
සින්ද්හි, දරුවන් තිදෙනෙකු පෝලියෝ මර්ධන එන්නත් ලබා නොමැති අතර, ඉස්ලාමාබාද්හි එකම පෝලියෝ රෝගියාද ශුන්‍ය මාත්‍රාව සහිත දරුවෙකු බවයි වාර්තා වන්නේ.
මෙම ශුන්‍ය මාත්‍රාවෙන් ඔබ්බට, ජාතික සෞඛ්‍ය සේවා, රෙගුලාසි සහ සම්බන්ධීකරණ අමාත්‍යාංශයේ (NHS, R&C) නිලධාරීන්, එන්නත් කරන්නන් විසින් ව්‍යාජ ඇඟිලි සලකුණු කිරීම, දෙමාපියන්ගේ ප්‍රතික්ෂේප කිරීම් සහ ඇතැම් ප්‍රදේශවල ළමුන් වෙත එන්නත් කරුවන් වෙත පැමිණීම වළක්වන ආරක්ෂක ගැටළු වැනි සාධක පකිස්තානයේ වත්මන් පෝලියෝ වසංගතයට හේතු වී ඇති බවයි වාර්තා වන්නේ.
