සංචාරක ශ්‍රී ලංකා කණ්ඩායම සහ දකුණු අප්‍රිකානු කණ්ඩායම අතර පැවැත්වෙන දෙවන ටෙස්ට් ක්‍රිකට් තරගයේ සිව්වන දිනය අදයි.
තුන්වන දිනයට තරගය නතර කරන විට දකුණු අප්‍රිකානු කණ්ඩායම කඩුලු 03 ක් පමණක් දැවී ලකුණු 191 ක් රැස් කරගෙන සිටියා.
ඒ අනුව දකුණු අප්‍රිකානු කණ්ඩායම මේ වන විට ලකුණු 221 ක් ඉදිරියෙන් පසුවනවා.
දකුණු අප්‍රිකානු කණ්ඩායම සිය පළමු ඉනිම සඳහා ලබාගත් ලකුණු සංඛ්‍යාව 358 ක්.
ශ්‍රී ලංකා කණ්ඩායම සිය පළමු ඉනිම සඳහා ලකුණු 328 ක් රැස් කළා.
ශ්‍රී ලංකා කණ්ඩායමේ පළමු ඉනිම වෙනුවෙන් පැතුම් නිස්සංක ලකුණු 89 ක් රැස් කළ අතර කමිඳු මෙන්ඩිස් ලකුණු 48 ක් ලබා ගත්තා.
දිනේශ් චන්දිමාල් සහ ඇන්ජලෝ මැතීව්ස් ලකුණු 44 බැගින් රැස් කළා.
පන්දු යැවීමේදී දකුණු අප්‍රිකානු කණ්ඩායම වෙනුවෙන් ඩේන් පැටර්සන් ලකුණු 71 කට කඩුලු 05 ක් බිඳ හෙලුවා.
