පුරාවිද්‍යා වටිනාකමක් සහිත පිළිමයක් සන්තකයේ තබාගෙන සිටි පුද්ගලයෙකු මොණරාගල, ඔබ්බේගොඩ ප්‍රදේශයේදී අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකායේ සියඹලාණ්ඩුව කඳවුරේ නිලධාරීන් පිරිසක් විසින් සිදු කළ වැටලීමකදීයි.
එලෙස අත්අඩංගුවට ගෙන ඇත්තේ 53 හැවිරිදි පිලිමතලාව ප්‍රදේශයේ පදිංචි පුද්ගලයෙක්.
සැකකරු සහ පුරාවිද්‍යාත්මක වටිනාකමක් සහිත පිළිමය වැඩිදුර විමර්ශන සඳහා මොණරාගල පොලිස් ස්ථානය වෙත භාර දුන් බව පොලිස් විශේෂ කාර්ය බලකාය වැඩිදුරටත් සඳහන් කළා.
