ගාලදිවුල්වැව, දොඹවලගම ප්‍රදේශයේ සිදු වූ අනතුරකින් පාසල් සිසුන් දෙදෙනෙකු ජීවිතක්ෂයට පත්ව තිබෙනවා.
එම සිසුන් දෙදෙනා ගමන් ගත් යතුරු පැදිය ප්‍රතිවිරුද්ධ දෙසින් පැමිණි බස් රථයක ගැටී අනතුර සිදුව ඇති බවයි පොලිසිය පැවසුවේ.
අනතුරෙන් බරපතල තුවාල ලැබූ පාසල් සිසුන් දෙදෙනා නොච්චියාගම රෝහලට ඇතුලත් කිරීමේදී ජීවිතක්ෂයට පත්ව තිබෙනවා.
වයස අවුරුදු 16ක් වූ එම සිසුන් දෙදෙනා ගාලදිවුල්වැව, රනෝරාව ප්‍රදේශයේ පදිංචිකරුවන් වනවා.
අනතුර සම්බන්ධයෙන් බස් රථ රියදුරා අත්අඩංගුවට ගත් බවයි ගාලදිවුල්වැව පොලිසිය පැවසුවේ.
