ඕස්ට්‍රේලියානු ක්‍රිකට් කණ්ඩායම ඊයේ රාත්‍රියේ දිවයිනට පැමිණ තිබෙනවා.
ඒ ශ්‍රී ලංකාවේ පැවැත්වෙන ” වෝන් – මුරළි ටෙස්ට් ක්‍රිකට් තරගාවලියට ” සහභාගී වීම සඳහායි
ක්‍රීඩකයින් සහ නිලධාරීන් 26 දෙනෙකුගෙන් සමන්විත ඕස්ට්‍රේලියානු කණ්ඩායම රාත්‍රී 10.22 ට ඩුබායි සිට , එමිරේට්ස් ගුවන් සේවයේ ඊ.කේ.- 648 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබෙනවා.
” වෝන් – මුරලි ටෙස්ට් ක්‍රිකට් තරගාවලියේ ” සියලුම තරග ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වීමට නියමිත අතර , එහි එහි පළමු තරගය එළැඹෙන 29වනදා ආරම්භ වන අතර පෙබරවාරි 02 දින අවසන් වීමට නියමිතයි.
එහි දෙවන තරගය පෙබරවාරි 06 දින සිට 10 දින දක්වාත් පැවැත්වීමටයි නියමිතව තිබෙනවා
මීට අමතරව ශ්‍රී ලංකා ක්‍රිකට් කණ්ඩායම සහ ඕස්ට්‍රේලියානු කණ්ඩායම සහභාගී වන එක් දින සීමිත ඕවර් 50 තරග දෙකක් , පෙබරවාරි 12 සහ 14 දින වල කොළඹ ඛෙත්තාරාම ක්‍රිකට් ක්‍රීඩාංගණයේ දී පැවැත්වීමට නියමිතයි.
