නිවෙස් බිඳ දේපල සොරකම් කිරීමේ අපරාධ රැසකට සම්බන්ධ සැකකරුවෙකු ග්‍රෑන්ඩ්පාස්, ස්ටේස්පාර ප්‍රදේශයේදී අත්අඩංගුවට ගෙන තිබෙනවා.
ඒ, පෑලියගොඩ පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත සිදුකල වැටලීමකදීයි.
සැකකරු සන්තකයේ තිබී අයිස් මත්ද්‍රව්‍ය ග්‍රෑම් 10යි මිලිග්‍රෑම් 700ක් ද සොයාගෙන තිබෙනවා.
එලෙස අත්අඩංගුවට ගෙන ඇත්තේ කොළඹ 14 ප්‍රදේශයේ පදිංචිකරුවෙක්.
සපුගස්කන්ද පොලිස් ස්ථානය මගින් අත්අඩංගුවට ගෙන මහර මහේස්ත්‍රාත් අධිකරණයේ පවරණ ලද නඩුවක් සඳහා ඔහු වරෙන්තු නිකුත් වී සිටි අයෙකු බවට ද අනාවරණය වී තිබෙනවා.
සැකකරු විසින් සොරාගන්නා ලද රන් භාණ්ඩ කිහිපයක් ද සොයාගත් බවයි පොලිසිය පැවසුවේ.
