තීරුබදු රහිතව මෙරටට ගෙන්වන ලද සිගරට් සන්තකයේ තබා ගෙන සිටි පුද්ගලයෙකු මීගමුව, කොතලාවල පාලම අසලදී අත්අඩංගුවට ගෙන තිබෙනවා.
ඒ, අපරාධ හා මත්ද්‍රව්‍ය මෙහෙයුමට අදාළව මීගමුව පොලිස් ස්ථානයේ නිලධාරීන් විසින් සිදු කළ වැටලීමකදීයි.
සිගරට් 47,200ක් සන්තකයේ තබා ගනිමින් වෑන් රථයකින් ගමන් කරමින් සිටියදී අදාළ පුද්ගලයා අත්අඩංගුවට ගෙන තිබෙනවා.
අත්අඩංගුවට ගත් සැකකරු 30 හැවිරිදි පන්නිපිටිය ප්‍රදේශයේ පදිංචිකරුවෙක්. සිද්ධිය සම්බන්ධයෙන් මීගමුව පොලීසිය මගින් වැඩිදුර විමර්ශන ක්‍රියාත්මකයි.
