කොස්ගොඩ, මහඉඳුරුව ප්‍රදේශයේදී වෙඩි තබා මනුෂ්‍ය ඝාතනයක් සිදු කිරීමට දරූ උත්සහයක් ව්‍යර්ථ වී තිබෙනවා.
පොලීසිය පැවසුවේ යතුරුපැදියකින් පැමිණි පුද්ගලයින් දෙදෙනෙකු විසින් නිවසක් ඉදිරිපිටදී සහ නිවස තුළට පැමිණ නිවසේ සිටි පුද්ගලයෙකු ඉලක්ක කර මෙම වෙඩි තැබීම සිදු කිරීමට තැත් කර ඇති බවයි.
එහිදී වෙඩි තැබීම සඳහා උපයෝගී කරගත් ගිනි අවිය ක්‍රියාත්මක වී නොමැති බවයි පොලීසිය පැවසුවේ.
මේ හේතුවෙන් ජීවිත හානි සහ දේපළ හානි කිසිවක් සිදුවී නොමැති අතර අදාළ වෙඩි තැබීමට යොදා ගත් බවට සැකකෙරෙන ගිනි අවියක් එම නිවස ආසන්න ප්‍රදේශයේ තිබී සොයාගෙන තිබෙනවා.
සිද්ධියට අදාළ සැකකරුවන් අත්අඩංගුවට ගැනීමට කොස්ගොඩ පොලීසිය මගින් විමර්ශන ක්‍රියාත්මකයි.
