රුපියල් එක්කෝටි හැත්තෑ පන් ලක්‍ෂයක් වටිනා හෂීස් මත්කුඩු කිලෝ 11 කට ආසන්න ප‍්‍රමාණයක් සුරාබදු දෙපාර්තමේන්තු නිලධාරීන් විසින් අත්අඩංගුවට ගෙන තිබෙනවා. ඒ, රාජගිරිය ප‍්‍රදේශයේදීයි.
උපාය දූතයෙක් යොදවා හෂිස් මත්කුඩු මිළදී ගන්නා අවස්ථාවේදී සිදුකළ වැටලීමකදී මෙම මත්කුඩු තොගය අත්අඩංගුවට ගැණුනා.
එහිදී එක් සැකකරුවෙකු සහ ඔහු පැමිණි මෝටර් රථයද අත්අඩංගුවට ගත් බවයි කොළඹ සුරාබදු විශේෂ මෙහෙයුම් ඒකකය සඳහන් කළේ.
ඔහුගෙන් කරන ලද ප‍්‍රශ්න කිරීම්වලදී වත්තල සහ මීගමුව ප‍්‍රදේශවල නිවෙස් දෙකක තිබී මෙම මත්ද්‍රව්‍ය තොගය සොයා ගැණුනා.
මෙම ජාවාරමට සම්බන්ධ තවත් කාන්තාවක්ද එම වැටලීම්වලදී අත්අඩංගුවට ගැණුනු බවයි කොළඹ සුරාබදු විශේෂ මෙහෙයුම් ඒකකය සඳහන් කළේ.
ඉන්දියාවේ සිට බෝට්ටු මගින් ගෙන්වා දීර්ඝ කාලයක සිට මෙම මත්ද්‍රව්‍ය ජාවාරම සිදුකරගෙන ගොස් ඇති බව විමර්ශවලදී අනාවරණ වී තිබෙනවා..
