ලොව වයස්ගතම පැන්ඩා ලෙස සැලකෙන හොංකොංහි ජියා ජියා (Jia Jia) පැන්ඩා මියගොස් තිබෙනවා. ඒ වනවිට පැන්ඩාගේ වයස අවුරුදු 38 ක්.
මෙම පැන්ඩා ගැහැනු සත්වයෙක් බවයි විදෙස් මාධ්‍ය වාර්තා කළේ. මෙම පැන්ඩා 1999 වසරේ සිට හොංකොංහි සංචාරකයින්ගේ නොමඳ ආකර්ෂණයක් දිනාගත් සත්වයෙක්.
කෙසේ වෙතත් පසුගිය සති කිහිපයේ සත්වයාගේ බර දිනකට කිලෝ 03 බැගින් අඩු වූ බවයි සත්වෝද්‍යාන බලධාරීන් ප‍්‍රකාශ කර ඇත්තේ.
මෙම සත්වයා මිය ගියේ කැනඩාවේ ටොරොන්ටෝ සත්ව උද්‍යානයේ ජීවත්වන ලෝක ප‍්‍රකට නිවුන් පැන්ඩා පැටවුන් දෙදෙනා සිය පළමු උපන් දිනය සමරද්දී වීම ද විශේෂත්වයක්.
