නෙත් එෆ්. එම්. රේඩියෝව සංවිධාන කරන කඨින මහා පිංකම ගම්පහ මිරිස්වත්ත ශ්‍රී සුදර්ශන ධර්ම නිකේතනයේ දී අද උදෑසන ආරම්භ වුණා.
ශ්‍රී ලංකාවේ මාධ්‍ය ආයතනයක් විසින් සිදුකෙරෙන එකම කඨින මහා පිංකම ද මෙයයි.
නෙත් එෆ්. එම්. රේඩියෝව අඛණ්ඩව තුන්වන වරට මෙවර මෙම පිංකම සංවිධාන කරනවා.
කඨින චීවරය සඳහා යොදා ගැනෙන කඨින දුස්සය රැගත් පෙරහැර ආරම්භ වූයේ අලූයම 5.30ට පමණයි.
කඨින පෙරහැර ගම්පහ මිරිස්වත්ත ශ්‍රී සුදර්ශන ධර්ම නිකේතනයට පැමිණීමෙන් අනතුරුව චාරිත්‍ර කිහිපයක් සිදු කෙරෙනවා.
කඨින චීවරය සඝසතු කර පූජා කිරීම සහ ඒ ආශ්‍රිත විනය කර්ම අද රාත්‍රී 7.00 සිට නෙත් එෆ්. එම්. රේඩියෝව ඔස්සේ සජීවීව ප්‍රචාරය කෙරෙනවා. එම විනය කර්ම රේඩියෝ නාලිකාවකින් සජීව ලෙස ප්‍රචාරය කෙරෙන පළමු අවස්ථාව ද මෙයයි.
