2016 යුරෝ පාපන්දු කුසලානය දිනා ගැනීමට ක්‍රිස්ටියානෝ රොනාල්ඩෝ ප්‍රමුඛ පෘතුගාල කණ්ඩායම සමත් වුණා.
ඒ අවසන් මහා තරගයේදී සත්කාරක ප්‍රංශය පරාජය කරමින්.
පෘතුගාල කණ්ඩායම තරගය ජය ගත්තේ ගෝල 01 ට බිංදුවක් ලෙසයි.
නියමිත කාලයේදී දෙපිලම ගෝල වාර්තා කිරීමට සමත් වූයේ නැහැ. අනතුරුව ලබා දුන් අතිරේක කාලයේදී එක් ගෝලයක් වාර්තා කිරීමට පෘතුගාලය සමත් වුණා.
පෘතුගාල පාපන්දු කණ්ඩායම ප්‍රධාන පෙළේ පාපන්දු කුසලානයක් දිනා ගත් පළමු අවස්ථාව මෙය වනවා. ඔවුන් යුරෝ කුසලානය දිනා ගත් පළමු අවස්ථාවද මෙය වනවා. ස්ටේට් ද ෆ්රාන්ස් ක්‍රීඩාංගණයේ ඊයේ (10) පැවැති මෙම තරගය නැරඹීම සඳහා හැත්තෑපන්දහසකට අධික පාපන්දු ලෝලීන් පිරිසක් එක්ව සිටියා.
