ශී‍්‍ර ලංකා ටෙස්ට් කි‍්‍රකට් කණ්ඩායමේ ආරම්භක පිතිකරු දිමුත් කරුණාරත්න ඉතිහාසයේ වාර්තා කළ ඉහළම ශ්‍රේණිගත කිරීම හිමිකර ගෙන තිබෙනවා. ඒ, ඊයේ (23) නිමා වූ දකුණු අපි‍්‍රකාවට එරෙහි ටෙස්ට් තරගාවලියේදී දැක්වූ දක්‍ෂතා හේතුවෙන්.
නවතම අන්තර්ජාතික ටෙස්ට් කි‍්‍රකට් ශ්‍රේණිගත කිරීම් ලැයිස්තුවේ දිමුත් කරුණාරත්න පසුවන්නේ 7 වන ස්ථානයේයි. ඔහුට හිමි ප‍්‍රසාද ලකුණු සංඛ්‍යාව 754 ක්. එයද දිමුත් වෙනුවෙන් හිමි වූ ඉහළම ප‍්‍රසාද ලකුණු සංඛ්‍යාවයි. ශී‍්‍ර ලංකා ටෙස්ට් නිත්‍ය නායක දිනේෂ් චන්දිමාල් ශ්‍රේණිගත කිරීමේ 8 වන ස්ථානයේ පසු වනවා.
ඇන්ජලෝ මැතිව්ස් ස්ථාන 4 ක් ඉදිරියට පැමිණමින් 24 වන ස්ථානයට පත්ව ඇත්තේ දකුණු අපි‍්‍රකාවට එරෙහි දෙවන ටෙස්ට් තරගයේ ශී‍්‍ර ලංකා දෙවන ඉනිමේදී ලකුණු 71 ක් ලබාගැනීම හේතුවෙන්. මීට අමතරව ධනුෂ්ක ගුණතිලක සහ අකිල ධනංජය ද ශ්‍රේණිගත කිරීම්වල ඉදිරියට පැමිණ තිබෙනවා.
