ශ්‍රී ලංකා ඔලිම්පික් ඉතිහාසය වෙනස් කරන තරගකාරිය අද තරග බිමට

මෙවර රියෝ ඔලිම්පික් ක්‍රීඩා උළෙල සඳහා ශී‍්‍ර ලංකාව නියෝජනය කරන නිලූකා ගීතානි රාජසේකර කාන්තා මැරතන් ධාවන ඉසව්වට අද (14) එක් වනවා.

ඇය ඉතිහාසගත වන්නේ ඔලිම්පික් මැරතන් ඉසව්වක් සඳහා ශී‍්‍ර ලංකාව නියෝජනය කරමින් එක්වන පළමු කී‍්‍රඩිකාව ලෙසටයි.

ඇයගේ මෙම තරග ඉසව්ව සඳහා ඇති සූදානම පිළිබඳ බ‍්‍රසිලයේ රියෝද ජැනයිරෝ නුවර සිට නෙත් නිවුස් වෙත අදහස් දක්වමින් කියා සිටියේ පුහුණුවීම් අතින් සෑහීමකයට පත්වෙන බවයි. රට වෙනුවෙන් උපරිමය කරන්නට බලාපොරොත්තු වෙන බවත් පැවසුවා.

නිලූකා ගීතානි රාජසේකර සහභාගි වන කාන්තා මැරතන් ධාවන ඉසව්ව ශී‍්‍ර ලංකා වේලාවෙන් අද පස්වරු 6.00ට ආරම්භ වීමට නියමිතයි.