මතුගම නගරය හා අවට ප්‍රදේශ රැසකටම ව්‍යාජ මුදල් ලබාදී ගනුදෙනු රැසක් සිදුකළ පුද්ගලයින් දෙදෙනෙකු කළුතර අපරාධ කොට්ඨාසය මගින් අත්අඩංගුවට ගෙන තිබෙනවා.
මතුගම හා අවට ප්‍රදේශ රැසකම ව්‍යාජ මුදල් සංසරණය වන බවට කළුතර අපරාධ කොට්ඨාසයේ ස්ථානාධිපතිට ලද තොරතුරක් මත සිදුකළ විමර්ශනයකදී මතුගම පාන්තිය මංසන්ධියේදී පුද්ගලයෙකු ව්‍යාජ රුපියල් 500 නෝට් දෙකක් සමග අත්අඩංගුවට ගෙන තිබෙන්නේ.
සැකකරු මතුගම ඉද්දගොඩ ප්‍රදේශයේ වයස අවුරුදු 29 ක් වීඇති පුද්ගලයෙකු වන අතර ඔහුගෙන් සිදු කරන ලද ප්‍රශ්න කිරීම් වලදී අනාවරණය වී ඇත්තේ මෙම පුද්ගලයා තවත් පුද්ගලයෙකු සමග එක්ව මෙම ව්‍යාජ මුදල් මුද්‍රණය කිරීම් සිදුකර ඇති බවයි.
ඒ අනුව මතුගම ඉද්දගොඩ පදිංචි තිස්තුන් හැවිරිදී පුද්ගලයාද ඉද්දගොඩ ඔහුගේ නිවසේදී අත්අඩංගුවට ගත් අතර එහිදී එම ව්‍යාජ මුදල් මුද්‍රණය කිරීම සඳහා භාවිතා කල ප්‍රින්ටර් යන්ත්‍රයක් පරිගණක යන්ත්‍ර සහ ව්‍යාජ මුදල් මුද්‍රණය කිරීම සඳහා සූදානම් කර තිබූ මුදල් මුද්‍රණය කරන ලද කොළ විශාල ප්‍රමාණයක්ද පොලිස් අත්අඩංගුවට ගත් බවයි පොලීසිය සඳහන් කර සිටියේ.
ඔවුන්ගෙන් කරන ලද ප්‍රශ්න කිරීම් වලදී අනාවරණය වී ඇත්තේ මොවුන් මෙම මුදල් ලබා දී භාණ්ඩ මිලදී ගැනීම ඉන්ධන ලබා ගැනීම සහ මත්ද්‍රව්‍ය මිලදී ගැනීම මෙන්ම සූදු පොළවල් සඳහා බහුල වශයෙන් මෙම මුදල් ලබා දුන් බවයි.
මොවුන් දෙදෙනා කුඩා කලම සිට හොඳම යහළුවන් වන අතර මොවුන්ට විරුද්ධව මීට පෙර සොරකම් කිරීම් මත්ද්‍රව්‍ය ජාවාරම් ඇතුළු චෝදනා රැසකටම මොවුන්ට එරෙහිව අධිකරණ කටයුතු ක්‍රියාත්මක වෙමින් පවතී.
සැකකරුවන් අද දින මතුගම මහේස්ත්‍රාත් අධිකරණයට ඉදිරිපත් කිරීමට නියමිතයි.
