පොදු ජන පෙරමුණේ පුත්තලම දිස්ත්‍රික් පාර්ලිමේන්තු මන්ත්‍රී චින්තක අමල් මායාදුන්නට ජල බෝතල් ප්‍රහාරයක් එල්ල කල ආබාධිත විශ්‍රාමික යුද හමුදා සෙබලා ලබන 16 වනදා දක්වා රක්ෂිත බන්ධනාගාර ගත කර තිබෙනවා.
ඒ, පුත්තලම මහේස්ත්‍රාත් අධිකරණය ලබාදුන් නියෝගයකට අනුවයි.
වනාතවිල්ලුව ප්‍රාදේශීය සභා මහජන ක්‍රීඩාංගනයේ පසුගියදා පැවති සංගීත සංදර්ශනයකදී ගීත ගායනා කිරීමට වේදිකාවට පිවිසි මන්ත්‍රීීවරයා එලෙස බෝතල් ප්‍රහාරයකට ලක්ව තිබෙනවා.
මන්ත්‍රීවරයාගේ ආරක්ෂක නිලධාරින් විසින් සැකකරු අත්අඩංගුවට ගෙන වනාතවිල්ලුව පොලිස් නිළධාරින් වෙත භාර දී තිබුණා.
