ආණ්ඩුක්‍රම ව්‍යවස්ථාවට අනුකූලව ජනාධිපතිවරණය නිසි කාලසීමාවේදී නියමිත පරිදි පැවැත්වෙන බව රජය යළි අවධාරණය කරනවා.
නෛතික ප්‍රතිපාදන අනුව නිසි කාලය තුළ ජනාධිපතිවරණය පැවැත්වීම සම්බන්ධයෙන් අද පාර්ලිමේන්තුවේ පැවති සභාව කල්තැබීමේ විවාදයේදී ආණ්ඩු පක්ෂ නියෝජිතයින් මේ බව අවධාරණය කළා.
කෙසේවෙතත් විපක්ෂයේ මන්ත්‍රීවරුන් චෝදනා කළේ විවිද කරුණු ගෙනහැර දක්වමින් ආණ්ඩුව ජනාධිපතිවරණය කල් දැමීමට උත්සහ දරමින් සිටින බවයි. අද පැවති කල් තැබීමේ විවාදය ආරම්භ කරමින් ජාතික ජනබලවේගයේ නායක පාර්ලිමේන්තු මන්ත්‍රී අනුර කුමාර දිසානායක ඒ සම්බන්ධයෙන් මෙලෙස අදහස් පළ කළා.
ඉන් අනතුරුව අදහස් දැක්වූ එක්සත් ජාතික පක්ෂ පාර්ලිමේන්තු මන්ත්‍රී වජිර අබේවර්ධන.
විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල සහ සභානායක අමාත්‍ය සුසිල් ප්‍රේමජයන්ත් අතර මෙවන් සංවාදයක් ඇති වුණා.
සභානායක අමාත්‍ය සුසිල් ප්‍රේමජයන්ත විවාදයට එක් වෙමින් කියා සිටියේ ව්‍යවස්ථාවේ පවතින යමක් සංශෝධනයට පියවර ගැනීම මැතිවරණ කල් දැමීමට හේතුවක් නොවන බවයි.
විපක්ෂ නායක සජිත් ප්‍රේමදාස මහතා විවාදයට එක් වෙමින් අදහස් දැක්වුයේ මෙලෙසයි.
ආණ්ඩු පක්ෂය වෙනුවෙන් විවාදයට එක් වූ විදේශ කටයුතු අමාත්‍ය අලි සබි්‍ර කියා සිටියේ බොහෝ දුරට ඔක්තොබර් මස 05 වනදා හෝ 12 වනදා ජනාධිපතිවරණය පැවැත්වෙනු ඇති බවයි.
