යුක්තියේ මෙහෙයුමේ දෙවන අදියර යටතේ සිදුකල වැටලීම් 751කදී සැකකරුවන් 741 දෙනෙකු සහ සැකකාරියන් 07 දෙනෙකු අත්අඩංගුවට ගත් බව පොලිස් මූලස්ථානය පවසනවා.
අත්අඩංගුවට ගත් සැකකරුවන් අතරින් 28 දෙනෙකු වැඩිදුර විමර්ශන සඳහා රඳවා ගැනීමේ නියෝගයක් ලබා ගැනීමට නියමිත බවයි පොලිස් මූලස්ථානය නිකුත් කළ නිවේදනයේ දැක්වෙන්නේ.
තවත් සැකකරුවන් 13 දෙනෙකුගේ වත්කම් බැරකම් විමර්ශනය කිරීමට නියමිත අතර පුනුරුත්තාපනය සඳහා තවත් සැකකරුවන් 36 දෙනෙකු යොමු කිරීමට නියමිතව තිබෙන බවයි පොලිස් මූලස්ථානය පැවසුවේ.
මෙම මෙහෙයුම යටතේ බස්නාහිර පළාත ආවරණය වන පරිදි සිදුකල වැටලීම්වලදී හෙරොයින් ග්‍රෑම් 92ක්, අයිසි මත්ද්‍රව්‍ය ග්‍රෑම් 335ක් සහ ගංජා ග්‍රෑම් 246ක් පොලිස් භාරයට ගෙන තිබෙන අතර බස්නාහිර පළාතේ සිදුකල මුලු වැටලීම් සංඛ්‍යාව 469ක් වන අතර ඉන් සැකකරුවන් 463 දෙනෙකු සහ සැකකාරියන් 06 දෙනෙකු අත්අඩංගුවට ගෙන තිබෙනවා.
එමෙන්ම දකුණු පළාත ආවරණය වන පරිදි සිදුකල වැටලීමේදී සැකකරුවන් 74ක් අත්අඩංගුවට ගත් බවයි පොලිස් මූලස්ථානය නිකුත් කළ නිවේදනයේ වැඩිදුරටත් සඳහන් වන්නේ.
