හිටපු ජනාධිපති මහින්ද රාජපක්ෂ මහතාගේ ප්‍රධාන ආරක්ෂක නිලධාරී මේජර් නෙවිල් වන්නිආරච්චි මහතාගෙන් අපරාධ පරීක්ෂණ දෙපාර්තමේන්තුව ප්‍රකාශයක් ලබාගෙන තිබෙනවා.
ඒ අනුව ඊයේ පෙරවරු 09.00 ට පමණ අපරාධ පරීක්ෂණ දෙපාර්තමේන්තුවේ පෙනී සිටි ඔහු පස්වරු 01.00 ට පමණ ඉන් පිටව ගොස් ඇති බවයි නෙත් නිවුස් වාර්තාකරු පැවසුවේ.
අයථා වත්කම් උපයා ගැනීමේ සිද්ධියක් සම්බන්ධයෙන් හිටපු ජනාධිපති මහින්ද රාජපක්ෂ මහතාගේ ප්‍රධාන ආරක්ෂක නිලධාරියාගෙන් පැය 04 ක පමණ කාලයක් එලෙස ප්‍රකාශ සටහන් කරගෙන තිබෙනවා.
මේ අතර හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ මහතාට ද අපරාධ පරීක්ෂණ දෙපාර්තමේන්තුව හමුවේ පෙනී සිටින්නැයි දැනුම්දී ඇති බවයි වාර්තා වන්නේ. ජනවාරි 03 වනදා එලෙස එම දෙපාර්තමේන්තුවේ හමුවේ පෙනී සිටින ලෙසට දැනුම්දී ඇති බව වැඩිදුරටත් වාර්තා වුණා.
