යළි රට තුළ සහල් හෝ ලුණු හිඟයක් ඇති වීමට ඉඩ නොදෙන බව කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා පවසනවා.
ඔහු කියා සිටියේ මතුවිය හැකි අර්බුද සඳහා ඉකුත් ආණ්ඩුව සමයේ කිසිදු පෙර සූදානමක් නොතිබීම වර්තමාන අර්බුදවලට ප්‍රධාන හේතුවක් වී ඇති බවයි.
රට තුළ යළි සහල් ප්‍රශ්නයක් ඇති නොවීම සඳහා අවශ්‍ය සියලු විධි විධාන ගනිමින් ඇති බවයි අමාත්‍යවරයා සඳහන් කළේ.
කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා මේ බව ප්‍රකාශ කළේ ඊයේ රාත්‍රියේ ප්‍රචාරය වූ නෙත් එෆ් එම් අන්ලිමිටඩ් වැඩසටහනට එක්වෙමින්.
