අමෙරිකානු ජනාධිපති ඩොනල්ඩ් ට්‍රම්ප් විසින් චීනයෙන්, කැනඩාවෙන් සහ මෙක්සිකෝවෙන් අමෙරිකාවට ආනයනය කරන භාණ්ඩ සඳහා බදු පැනවීමට තීරණය කර තිබෙනවා.
ඒ අනුව කැනඩාවෙන් සහ මෙක්සිකෝවෙන් අමෙරිකාවට ආනයනය කරන භාණ්ඩ සඳහා සියයට 25ක තීරුබදු පැනවීමටයි තීරණය කර ඇත්තේ.
චීනයෙන් අමෙරිකාවට ආනයනය කරන භාණ්ඩ සඳහා අතිරේක සියයට 10ක තීරුබදු පනවනු ඇති බව විදෙස් මාධ්‍ය වාර්තා කළා.
චීනයෙන්, කැනඩාවෙන් සහ මෙක්සිකෝවෙන් අමෙරිකාවට ආනයනය කරන භාණ්ඩ සඳහා බදු පැනවීමට අමෙරිකාව සූදානම් බවට විවිධ වාර්තා පළ වුයේ මීට මාස දෙකකට පෙර සිටයි.
එහෙත් එය අද සිට ක්‍රියාත්මක බව අමෙරිකාව දැන් නිල වශයෙන් ප්‍රකාශයට පත්කර තිබෙනවා.
අමෙරිකාවේ ප්‍රධානම වෙළඳ හවුල්කරුවන් ලෙස සැලකෙන චීනයෙන්, කැනඩාවෙන් සහ මෙක්සිකෝවෙන් ආනයනය කරන භාණ්ඩ සඳහා බදු පැනවීමේ තීරණය හේතුවෙන් අමෙරිකාවේ කොටස් වෙළඳපොළ පහළ යනු ඇති බවටයි අනුමාන කෙරෙන්නේ.
කෙසේවෙතත් නීති විරෝධී මත්ද්‍රව්‍ය සහ නීති විරෝධී සංක්‍රමණිකයන් අමෙරිකාවට පැමිණීමට විරෝධය පළ කරමින් මෙලෙස කැනඩාව, මෙක්සිකෝව සහ චීනය මත තීරුබදු පනවන බව අමෙරිකාව පවසනවා.
