හැටන් මහේස්ත්‍රාත් අධිකරණ මඟින් වරෙන්තු නිකුත් කළ සිටි සැකකාරියක් හැටන් පොලීසිය මඟින් අත්අඩංගුවට ගෙන තිබෙනවා.
ඒ හැටන් දුම්රියපොළ අසලදීයි.
අත්අඩංගුවට ගත් සැකකාරිය වයස අවුරුදු 31ක් වන බදුල්ල, කන්දෙගෙදර ප්‍රදේශයේ පදිංචිකාරියක්.
සැකකාරිය විසින් ආකර්ෂණීය පොලියක් ලබාදෙන බවට සමාජ මාධ්‍ය ඔස්සේ ප්‍රචාරය කර, දිවයිනේ විවිධ ප්‍රදේශවල පුද්ගලයින් රවටා රුපියල් ලක්ෂ 450කට අධික මුදලක් ලබාගෙන, එම මුදල් නොදී සැගවී සිට ඇති බවයි පොලීසිය පැවසුවේ.
