සංචාරක අයර්ලන්ත කණ්ඩායම සහ ශ්‍රී ලංකා කණ්ඩායම අතර දෙවන සහ අවසන් ටෙස්ට් ක්‍රිකට් තරගය අද ආරම්භ වනවා.
ඒ, ගාල්ල ජාත්‍යන්තර ක්‍රිකට් ක්‍රීඩාංගණයේදීයි. දෙරට අතර පැවති පළමු ටෙස්ට් තරගයේ ජය හිමිවූයේ ශ්‍රී ලංකා කණ්ඩායමටයි.
එම තරගයේදී ශ්‍රී ලංකා කණ්ඩායම ඉනිමක හා ලකුණු 280ක ජයක් අත්කර ගත් අතර එය ශ්‍රී ලංකා කණ්ඩායම වාර්තා කළ දැවැන්තම ටෙස්ට් ජයග්‍රහණය ලෙසයි ඉතිහාසයට එක්වුණේ.
මෙම තරගයෙන් ශ්‍රී ලංකා කණ්ඩායම ජය ලැබුවහොත් එය ශ්‍රී ලංකා කණ්ඩායම වාර්තා කරන සිය වන ටෙස්ට් ජයග්‍රහණය ලෙස වාර්තා අතරට එක් වනවා.
ශ්‍රී ලංකාව මේ දක්වා ටෙස්ට් තරග 310කට ක්‍රීඩා කර ඉන් තරග 99 ක් ජයගෙන තරග 119ක් පරාජය වී තිබෙනවා.
ජය පැරදුමෙන් තොරව නිමාවට පත්ව ඇති තරග සංඛ්‍යාව 92ක්.
