සංචාරක ඇෆ්ගනිස්ථාන කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු එක්දින ක්‍රිකට් තරගය දැන් පැවැත්වෙනවා.
ඒ, හම්බන්තොට සූරියවැව ජාත්‍යන්තර ක්‍රිකට් පිටියේදීයි.
අද තරගයේදී ශ්‍රී ලංකා කණ්ඩායමට නව ක්‍රීඩකයින් දෙදෙනෙකු වන මතීෂ පතිරණ සහ දුෂාන් හේමන්ත කැදවා තිබෙනවා.
මෙය ඔවුන් දෙදෙනාගේම මංගල එක් දින ක්‍රිකට් තරගයයි. දුෂාන් හේමන්ත අද තරගයට කැදවා ඇත්තේ සුපිරි දඟ පන්දු යවන ක්‍රීඩක වනිදු හසරංග වෙනුවටයි. ඒ, ඔහු ආබාධයකට ලක් වීම හේතුවෙන්.
තරගයේ කාසියේ වාසිය දිනූ ඇෆ්ගනිස්ථාන කණ්ඩායම පළමුව පන්දු රැකීමට තීරණය කළා.
ඒ අනුව පළමුවෙන් පන්දුවට පහරදෙන ශ්‍රී ලංකා පිලේ පළමු කඩුල්ල ලෙස දිමුත් කරුණාරත්න ලකුණු 04කට දැවී ගියා.
කුසල් මෙන්ඩිස් රැස් කළේ ලකුණු 11ක් පමණයි.
ඇන්ජලෝ මැතිවුස් ලකුණු 12කට දැවී ගියා.
පැතුම් නිස්සංක 04 පහර 05ක් සමග ලකුණු 38ක් රැස් කළා.
ඒ අනුව තරගයේ ප්‍රථමයෙන් පන්දුවට පහර දෙන ශ්‍රී ලංකා කණ්ඩායම පන්දුවාර 38 අවසානයේ කඩුළු 05ක් දැවී ලකුණු 187ක් රැස්කරගෙන සිටිනවා.
චරිත් අසලංක හා දසුන් ශානක නොදැවී පන්දුවට පහර දෙනවා.
