එක්දින ලෝක කුසලාන ක්‍රිකට් තරගාවලියට සුදුසුකම් ලබාගැනීමේ වටයේ තරග ආරම්භයට පෙර පැවැත්වෙන පුහුණු තරග අද ආරම්භ වනවා.
ඒ අනුව ශ්‍රී ලංකා කණ්ඩායම සහ නෙදර්ලන්තය අතර පැවැත්වෙන පුහුණු තරගය සිම්බාබ්වේහි බුලවායෝ හිදී අද පැවැත්වීමට නියමිතයි.
නේපාලය සහ එක්සත් අරාබි එමීර් රාජ්‍යය අතර පුහුණු තරගයක් හරාරේ හිදී පැවැත්වීමට නියමිත අතර අයර්ලන්තය සහ අමෙරිකාව අතර තවත් පුහුණු තරගයක් බුලවායෝ හිදී පැවැත්වීමට නියමිතව තිබෙනවා.
ශ්‍රී ලංකා කණ්ඩායම සහභාගී වන දෙවන පුමුණු තරගය අමෙරිකානු කණ්ඩායම සමඟ ලබන 15 වනදා පැවැත්නීමට නියමිතයි.
එක්දින ලෝක කුසලාන ක්‍රිකට් තරගාවලියේ සුදුසුකම් ලබාගැනීමේ තරග වටය ලබන 18 වනදා ආරම්භ වනවා.
එම තරග වටයේ ශ්‍රී ලංකා කණ්ඩායම සහභාගී වන පළමු තරගය ලබන 19 වනදා එක්සත් අරාබි එමීර් රාජ්‍යය කණ්ඩායම සමග පැවැත්වීමට නියමිතයි.
