එක්දින ලෝක කුසලානයට සුදුසුකම් ලබාගැනීමේ වටයේ අවසන් තරඟය අද පැවැත්වෙනවා. 

එක්දින ලෝක කුසලානයට සුදුසුකම් ලබාගැනීමේ වටයේ අවසන් තරඟය අද පැවැත්වෙනවා. ඒ, ශ්‍රී ලංකාව සහ බටහිර ඉන්දිය කොදෙව් කණ්ඩායම අතරයි. මෙම තරඟයේ ප්‍රතිඵලයෙන් තරඟාවලියට කිසිදු බලපෑමක් සිදුවන්නේ නැහැ. ඒ, මේ වන විටත් අවසන් මහා තරඟයට ශ්‍රී ලංකාව සහ නෙදර්ලන්තය සුදුසුකම් ලබාගෙන අවසන්ව තිබීම හේතුවෙන්.
ඊයේ පැවති තරඟයෙන් ස්කොට්ලන්තය පරාජය කර නෙදර්ලන්තය විශිෂ්ඨ ජයක් වාර්තා කළා. එහිදී නෙදර්ලන්තය ජයග්‍රහණයට රැගෙන ගිය බාස් ඩී ලීඩ් කඬුලු 05 ක් දවාගනිමින් ලකුණු 123 ක්ද රැස් කළා. එය වාර්තා පොත් අතරට එක්වූයේ එක්දින තරඟයක් තුළ ශතකයක් රැස් කරමින් කඬුලු 05 ක් බිඳ හෙලූ ඉතිහාසයේ සිව්වනන අවස්ථාව ලෙසයි.