2023 එක්දින ලෝක කුසලාන ක්‍රිකට් තරගාවලියේ සුදුසුකම් ලැබීමේ වටයේ අවසන් මහා තරගය තවත් නොබෝ වේලාවකින් ආරම්භ වීමට නියමිතයි. කාසියේ වාසිය දිනූ නෙදර්ලන්ත කණ්ඩායම පන්දු රැකීමට තීරණය කළා.
ශ්‍රී ලංකා කණ්ඩායමේ ආරම්භක පිතිකරුවකු වන දිමුත් කරුණාරත්නට අද තරගය අහිමි වනවා.
ඒ, ඔහු පාදයේ ආබාධයකට ලක්ව සිටීම හේතුවෙන්. ඒ අනුව බොහෝවිට අද පැතුම් නිස්සංක සමගින් අනෙක් අන්තයේ ආරම්භක පිතිකරුවා ලෙස කුසල් මෙන්ඩිස් පිටියට පිවිසීමට නියමිත බවයි ක්‍රිකට් විචාරකයින් පවසන්නේ. එමෙන්ම බටහිර ඉන්දීය කොදෙව් කණ්ඩායම සමග පැවැති තරගයේදී විවේක ගන්වා සිටි ධනංජය ද සිල්වා සහ වනිඳු හසරංග ද අද තරගයට කැඳවා තිබෙනවා. තරගය පැවැත්වෙන්නේ සිම්බාබ්වේ හි හරාරේ ක්‍රීඩාංගනයේදීයි.
