හැටන් කොළඹ ප්‍රධාන මාර්ගයේ වටවල, කැරොලයිනා වත්ත ප්‍රදේශයේ සිදුවූ රිය අනතුරකින් මගීන් සිව්දෙනෙකු තුවාල ලබා තිබෙනවා.
ඔවුන් වටවල ප්‍රාදේශිය රෝහලට ඇතුලත් කර ඇති බවයි වටවල පොලිසිය පැවසුවේ.
අධික වේගයෙන් ධාවනය වු පෞද්ගලික බස් රථයක් ප්‍රතිවිරුද්ධ දිශාවෙන් ඉදිරියට ධාවනය වු ලංගම බස් රථයක ගැටී මෙම අනතුර සිදුව තිබෙනවා.
එහිදී පෞද්ගලික බස් රථයේ පසුපස කොටස කැඩි ගොස් ඇති බවයි පොලිසිය පැවසුවේ.
අනතුරෙන් තුවාල ලබා ඇත්තේ පෞද්ගලික බස් රථයේ ගමන් ගත් මගින් සිව්දෙනෙක්.
ගිනිගත්හේන සිට හැටන් දක්වා ධාවනය වු හැටන් ලංගම ඩිපෝවට අයත් බස් රථයක් සහ හැටන් සිට මහනුවර දක්වා ධාවනය වූ පෞද්ගලික බස් රථයක් එලෙස අනතුරට ලක්ව තිබෙනවා.
