මෙක්සිකෝවේ ටබස්කෝ ආශ්‍රිත ප්‍රදේශයක සිදු වූ වෙඩි තැබීමකින් පුද්ගලයින් 06 දෙනෙකු මියගොස් තිබෙනවා.
එහිදී තවත් පුද්ගලයින් 10 දෙනෙකු තුවාල ලබා ඇති බවයි එරට ප්‍රාදේශීය බලධාරින් පවසන්නේ.
අවන්හලක් තුළ සිදු වූ මෙම වෙඩි තැබීම සන්නද්ධ කණ්ඩායමක් විසින් සිදුකර තිබෙනවා.
ඔවුන් අදාළ අවන්හලට පැමිණ එක් පුද්ගලයෙකු සොයා ඇති බවයි විදෙස් මාධ්‍ය පැවසුවේ.
එහිදී සිදුකල වෙඩි තැබීම් හමුවේ අවන්හලේ සිටි පුද්ගලයින් 05 දෙනෙකු එම ස්ථානයේදීම මියගොස් තිබෙනවා.
තවත් පුද්ගලයෙකු මියගොස් ඇත්තේ රෝහල් ගත කිරීමෙන් අනතුරුවයි.
තුවාල ලැබූ පුද්ගලයින් 10 දෙනාගෙන් 05 දෙනෙකු හඳුනාගෙන ඇති බවද විදෙස් මාධ්‍ය වැඩිදුරටත් පැවසුවා.
