ලංකා ප්‍රිමියර් ලීග් ක්‍රිකට් තරගාවලියේ ඊයේ රාත්‍රියේ පැවැති දෙවන තරඟයෙන් සුපිරි ජයක් වාර්තා කිරීමට කලම්බු ස්ට්‍රයිකර්ස් කණ්ඩායම සමත් වුණා.
ඒ, බී-ලව් කැන්ඩි කණ්ඩායම ලකුණු 27කින් පරාජයට පත්කරමින්.
තරඟයේ කාසිය වාසිය දිනූ කලම්බු ස්ට්‍රයිකර්ස් කණ්ඩායම පළමුවෙන් පන්දුවට පහරදීමට තීරණය කළා.
ඒ අනුව පළමුවෙන් පන්දුවට පහර දුන් කලම්බු ස්ට්‍රයිකර්ස් කණ්ඩායම නියමිත පන්දුවාර 20 අවසානයේ කඩුලු 6ක් දැවී රැස් කළ ලකුණු සංඛ්‍යාව 157ක්.
කලම්බු කණ්ඩායම වෙනුවෙන් බාබර් අසාම් ලකුණු 59ක් රැස්කළ අතර නුවනිදු ප්‍රනාන්දු ලකුණු 28ක් රැස් කළා.
ලකුණු 158ක ජයග්‍රහි ඉලක්කයක් හඹායෑමට පිටියට පිවිසි බී-ලව් කැන්ඩි කණ්ඩායමට නියමිත පන්දුවාර 20 තුළදී කඩුලු 8ක් දැවී රැස්කර ගත්තේ ලකුණු 130ක් පමණයි.
ඇන්ජලෝ මැතිවුස් ලකුණු 25යි. සෙසු කිසිදු පිතිකරුවෙකුට ලකුණු දහසයේ සීමාව පසු කර යාමට හැකි වුණේ නැහැ.
විශ්ෂ්ට පන්දු යැවීමක නිරත වුණු මතීෂ පතිරණ ලකුණු 24කට කඩුලු 3ක් බිඳ හෙලුවා. ජෙෆ්රි වැන්ඩසේ සහ නෂීම් ෂාහ් කඩුලු 2 බැගින් බිඳ හෙලීමට සමත් වුණා.
LPL තරඟාවලියේ තවත් තරඟ දෙකක් අද පැවැත්වීමට නියමිතයි.
