LPL ක්‍රිකට් තරඟාවලියේ තවත් තරඟ දෙකක් අද පැවැත්වෙනවා. අද පස්වරු 03 ට පළමු තරඟය ආරම්භ වීමට නියමිත අතර එහිදී බී. ලව් කැන්ඩි කණ්ඩායම සහ දඹුල්ල ඕරා කණ්ඩායම තරඟ වැදීමට නියමිතයි. රාත්‍රී 07 ට දෙවැනි තරඟය පැවැත්වෙන්නේ ගෝල් ටයිටන්ස් සහ ජැෆ්නා කින්ග්ස් කණ්ඩායම් අතරයි.
මෙම තරඟාවලියේ මෙතෙක් පැවති තරඟ 05 ම පැවැත්වුණේ කොළඹ ආර්. ප්‍රේමදාස ක්‍රීඩා පිටියේදීයි. අද පැවැත්වෙන තරඟ 02 පල්ලෙකැළේ ජාත්‍යන්තර ක්‍රිකට් ක්‍රීඩාංගණයේදී පැවැත්වීම විශේෂත්වයක්. අද සිට ලබන 08 වනදා දක්වා පැවැත්වීමට නියමිත තරඟ 08 ම පල්ලෙකැළේ ජාත්‍යන්තර ක්‍රිකට් ක්‍රීඩාංගණයේදී පැවැත්වීමටයි නියමිතව ඇත්තේ.
