LPL ක්‍රිකට් තරඟාවලියේ ඊයේ පැවති තරඟය බී ලව් කැන්ඩි කණ්ඩායම පරදා ලකුණු 20කින් ජය ගැනීමට දඹුල්ල ඕරා කණ්ඩායම සමත් වුණා.
කොළඹ ආර් ප්‍රේමදාස ජාත්‍යන්තර ක්‍රිකට් ක්‍රීඩාංගනයේ පැවති තරඟයේ ප්‍රථමයෙන් පන්දුවට පහර දුන් දඹුල්ල කණ්ඩායම නියමිත පන්දුවාර 20 අවසානයේ කඩුලු 07ක් දැවී ලකුණු 162ක් රැස් කළා.
අවිශ්ක ප්‍රනාන්දු පන්දු 27කදී රැස් කළ ලකුණු සංඛ්‍යාව 41ක්.
ඔහුගේ ඉනිමට 6යේ පහර 03ක් සහ 4රේ පහර 03ක් අයත්. සදීර සමරවික්‍රම ලකුණු 31යි. පන්දු යැවීමේදී නුවන් ප්‍රදීප් කඩුලු 03ක් බිඳ හෙළුවා.
ජයග්‍රාහී ලකුණු 163ක ඉලක්කයක් හඹා යාමට පිටියට පිවිසි බී ලව් කැන්ඩි කණ්ඩායමට පන්දුවාර 19යි පන්දු 04ක් අවසානයේ සියලු දෙනා දැවී රැස් කිරීමට හැකි වූයේ ලකුණු 142ක් පමණයි.
දිනේෂ් චන්දිමාල් ලකුණු 50යි.
පන්දු යැවීමේදී ධනංජය ද සිල්වා පන්දුවාර 2ක් තුළ ලකුණු 6ක් ලබා දෙමින් කඩුලු 04ක් බිඳ හෙලුවා.
තරඟයේ වීරයා සම්මානය දිනා ගත්තේද ධනංජයද සිල්වායි.
