හංගේරියාවේ පැවැත්වෙන 2023 ලෝක ශූරතා මලල ක්‍රීඩා උළලේ සීය හතර පිරිමි සහය දිවීමේ මුල් වටයේ 2 වන තරගයෙන් ශ්‍රී ලංකාව ඊයේ පරාජයට පත් වුණා.
එම තරග ඉසව්ව සඳහා ශ්‍රී ලංකාව නියෝජනය කරමින් අරුණ දර්ශන, රංජිත් රාජකරුණා, නිදුක දර්ශන සහ කාලිංග කුමාරගේ යන ක්‍රීඩකයින් තරග වැදුණා.
එහිදී ශ්‍රී ලංකාවට හිමි වූයේ අටවන ස්ථානයයි. සීය හතර සහය දිවීමේ මුල් වටයේ 2 වන තරගය සඳහා ශ්‍රී ලංකාව සමඟ නෙදර්ලන්තය, ජැමෙයිකාව, බෙල්ජියම, ඉතාලිය, ප්‍රංශය, කෙන්යාව සහ ජර්මනිය යන රටවල් සහභාගී වුණා.
මෙම තරගයේදී පළමු ස්ථානය ජැමෙයිකාව විසින් දිනාගත් අතර ප්‍රංශය සහ ඉතාලිය පිළිවෙලින් දෙවන සහ තෙවන ස්ථාන හිමිකරගනු ලැබුවා.
එමෙන්ම සීය හතර පළමු වටයේ තරගයෙන් අමෙරිකාව පළමු ස්ථානයත්, ඉන්දියාව දෙවන ස්ථානයත්, මහා බි්‍රතාන්‍ය තුන්වන ස්ථානයත් හිමිකරගැනීමට සමත් වුණා.
