ආසියානු කුසලාන තරගාවලියට අදාළව ඇෆ්ගනිස්ථාන කණ්ඩායම සහ බංග්ලාදේශ කණ්ඩායම සමඟ ඊයේ පැවති තරඟයෙන් බංග්ලාදේශ කණ්ඩායම ලකුණු 89කින් ජය ගත්තා.
ප්‍රථමයෙන් පන්දුවට පහර දුන් බංග්ලාදේශ කණ්ඩායම නියමිත පන්දුවාර 50 අවසානයේදී කඩුළු 05 ක් දැවී ලකුණු 334 ක් රැස් කළා.
බංග්ලාදේශ කණ්ඩායම වෙනුවෙන් විශිෂ්ඨ පිතිහරඹයක නිරත වූ මෙහෙදි හසන් ලකුණු 112 ක් සහ සහ නජිමුල් හුසේන් ලකුණු 104 ක් රැස් කළා.
පන්දු යැවීමේදී ඇෆ්ගනිස්තාන කණ්ඩායම වෙනුවෙන් මුජීබ් ඌර් රහමන් සහ ගුල්බාඩීන් නායිබ් එක් කඩුල්ල බැගින් ලබා ගත්තා.
ලකුණු 335ක ඉලක්කයක් හඹා ගිය ඇෆ්ගනිස්තාන කණ්ඩායමට පන්දුවාර 43යි පන්දු 03කදී සියලු දෙනා දැවී ලබා ගත හැකි වූයේ ලකුණු 245ක් පමණයි.
ඒ අනුව, බංග්ලාදේශ කණ්ඩායම ලකුණු 89ක විශිෂ්ට ජයක් හිමි කර ගත්තා. තරගය පැවැත්වුණේ පකිස්තානයේ ලාහෝර් ක්‍රීඩාංගනයේදීයි.
බංග්ලාදේශ කණ්ඩායම සුපිරි සිව් දෙනාගේ වටයට සුදුසුකම් ලබා ගැනීමට නම්, හෙට පැවැත්වෙන ඇෆ්ගනිස්ථාන කණ්ඩායම සහ ශ්‍රී ලංකාව අතර තරඟයේ ප්‍රතිඵල වඩාත් වැදගත් වන බවයි ක්‍රිකට් විස්තර විචාරකයින් පවසන්නේ.
