එක්සත් ජාතීන්ගේ ආරක්ෂක කවුන්සිලය අද දිනයේදීත් රැස් වීමට නියමිත බව වාර්තා වනවා.
ඒ ගාසා තීරයට කඩිනම් හා ස්ථිර සටන් විරාමයක් ගෙන ඒම වෙනුවෙන්.
ඒ සඳහා වන යෝජනාවක් අද ආරක්ෂක කවුන්සිලය හමුවට ඉදිරිපත් කිරීමට නියමිතයි.
නව යෝජනාව එක්සත් අරාබි එමීර් රාජ්‍යය විසින් ගෙන එනු ඇති බවයි පැවසෙන්නේ.
එක්සත් ජාතීන්ගේ ආරක්ෂක කවුන්සිලය මෙලෙස ගාසා තීරය සම්බන්ධයෙන් වන යෝජනාවක් සම්මත කර ගැනීමට සැරසෙන්නේ ඉකුත්දා එලෙස ගෙන ආ යෝජනාවක් අමෙරිකාව විසින් නිශේධ බලය භාවිත කර පරාජයට පත් කළ පසුබිමක් තුළයි.
