අධික වර්ෂාව හා ගංවතුර හේතුවෙන් එක්සත් අරාබි එමීර් රාජ්‍යයට හා ඕමානයට එල්ල වී ඇති බලපෑම් තවමත් අවසන් වී නැහැ.
විදෙස් මාධ්‍ය වාර්තා කළේ, ඉදිරි පැය කිහිපයේද අධික වර්ෂාපතනයක් ඇද හැළෙනු ඇතැයි පුරෝකතනය කර ඇති බවයි.
වර්ෂාව හේතුවෙන් වැඩිම බලපෑමක් එල්ල වී ඇත්තේ ඕමානයටයි.
එක්සත් අරාබි එමීර් රාජ්‍යයද ප්‍රධාන නගර රැසක් ජලයෙන් යටවී තිබෙනවා.
ඩුබායි නගරය හා ඩුබායි ජාත්‍යන්තර ගුවන් තොටුපළ ඒ අතරට අයත්.
එක්සත් අරාබි එමීර් රාජ්‍යයට මෙවැනි දරුණු වර්ෂාපතනයක් ඇද හැළීම දුර්ලභ කාරණයක්.
එබැවින් මාර්ග ජලයෙන් යට වූ අවස්ථාවේ ජලය බැස යාම සඳහා යටිතල පහසුකම් ප්‍රමාණවත් පරිදි සකස් කර නොතිබූ බවයි විදෙස් මාධ්‍ය වාර්තා කරන්නේ.
එක්සත් අරාබි එමීර් රාජ්‍යයට මෙලෙස ඇද හැළෙන්නේ වසර 75කට පසු ඇද හැළෙන වැඩිම වර්ෂාපතනය ලෙසයි.
