සිය රටට එරෙහි හමුදා සහ දේශපාලන තර්ජන නතර කරන ලෙස තායිවාන ජනාධිපති Lai Ching-te (විලියම් ලායි) චීනයෙන් ඉල්ලා තිබෙනවා.
ඔහු පවසන්නේ අර්බුධයට එකම විසඳුම සාමය බවයි.
එමෙන්ම චීනය තායිවාන ජනතාවගේ තේරීමට ගරු කළ යුතු බවයි ජනාධිපතිවරයා පවසා ඇත්තේ.
එමෙන්ම චීනය සමග සාකච්ඡාමය විසඳුමකට එළඹීමට වුව ද සූදානම් බව තායිවාන ජනාධිපති විලියම් ලායි පවසා තිබෙනවා.
"තායිවානය දේශපාලනිකව හා මිලිටරිමය වශයෙන් බිය ගැන්වීම නතර කරන ලෙසත්, තායිවාන සමුද්‍ර සන්ධිය හරහා සහ කලාපය පුරා සාමය සහ ස්ථාවරත්වය පවත්වා ගැනීමට වෙහෙස මහන්සි වී වැඩ කිරීමටත්, ලෝකය යුද බියෙන් තොර බව සහතික කිරීමටත් තායිවානය සමඟ ගෝලීය වගකීම භාර ගන්නා ලෙස චීනයෙන් ඉල්ලා සිටීමට මට අවශ්‍යය. තායිවානය ප්‍රජාතන්ත්‍රවාදය සහ නිදහස සම්බන්ධයෙන් කිසිදු සහනයක් නොදක්වයි. සාමය එකම විකල්පය වන අතර දිගුකාලීන සාමය සහ ස්ථාවරත්වය සඳහා අපගේ ඉලක්කය සමෘද්ධියයි." යනුවෙන් ඔහු වැඩිදුරටත් පැවසීය.
