එංගලන්ත කණ්ඩායම සමග පැවැත්වෙන දෙවන ටෙස්ට් ක්‍රිකට් තරඟයෙන් ශ්‍රී ලංකා කණ්ඩායමේ කුසල් මෙන්ඩිස් ඉවත් කර තිබෙනවා. ඒ වෙනුවට කණ්ඩායමට කැඳවා ඇත්තේ පැතුම් නිස්සංකයි.
ඒ අනුව ආරම්භක පිතිකරුවෙකු ලෙස කටයුතු කරන පැතුම් නිස්සංක මෙම තරඟයේදී අංක 03 පිතිකරු ලෙස පිටියට පිවිසෙනු ඇති.
මීට අමතරව විශ්ව ප්‍රනාන්දු වෙනුවට ලහිරු කුමාර මෙම තරඟයට කැඳවීමටයි නියමිතව ඇත්තේ.
පළමු තරඟයේදී ආබාධයකට ලක්වූ දිනේෂ් චන්දිමාල්ගේ ආබාධ තත්ත්වයද සුව අතට පත්ව තිබෙනවා.
ඒ අනුව, කුසල් මෙන්ඩිස්ගේ කඩුලු රැකීමේ වගකීම දිනේෂ් චන්දිමාල් හෝ නිශාන් මධුෂ්ක විසින් දරනු ඇති.
සංචාරක ශ්‍රී ලංකා කණ්ඩායම සහ එංගලන්ත කණ්ඩායම අතර දෙවන ටෙස්ට් ක්‍රිකට් තරඟය අද පැවැත්වෙනවා.
ඒ, එංගලන්තයේ ලෝඩ්ස් ක්‍රීඩාංගනයේදීයි.
ලෝඩ්ස් පිටියේ දී ශ්‍රී ලංකාව ටෙස්ට් තරඟ 08කට ක්‍රීඩා කර ඇතත් මෙතෙක් කිසිදු තරඟයක් ජය ගැනීමට හැකියාව ලැබී නැහැ.
