ශ්‍රී ලංකා කණ්ඩායම සමග පැවැත්වෙන පළමු ටෙස්ට් ක්‍රිකට් තරඟයේ පළමු ඉනිම සඳහා සියලු දෙනා දැවී ලකුණු 340ක් රැස් කිරීමට සංචාරක නවසීලන්ත කණ්ඩායම සමත් වුණා.
ටොම් ලැතම් ලකුණු 70යි.
ඩැරල් මිචෙල් ලකුණු 57ක් රැස් කර සිටියදී දැවී ගියා.
පන්දු යැවීමේදී ප්‍රභාත් ජයසූරිය කඩුලු 04ක්, රමේෂ් මෙන්ඩිස් කඩුලු 04ක් සහ නායක ධනංජයද සිල්වා කඩුලු දෙකක් බිඳ හෙළුවා.
ශ්‍රී ලංකා කණ්ඩායම පළමු ඉනිම සඳහා සියලු දෙනා දැවී රැස් කළ ලකුණු සංඛ්‍යාව 305ක්.
සිය දෙවනි ඉනිම ක්‍රීඩා කරන ශ්‍රී ලංකා කණ්ඩායම මීට නොබෝ වේලාවකට පෙර එක් කඩුල්ලක් දැවී ලකුණු 32ක් රැස් කර ගෙන සිටියා.
පැතුම් නිස්සංක ලකුණු 02ක් රැස් කර සිටියදී දැවී ගියා.
දිමුත් කරුණාරත්න ලකුණු 23ක් සහ දිනේෂ් චන්දිමාල් ලකුණු 02 බැගින් රැස් කරමින් නොදැවී කඩුල්ලේ රැඳී සිටිනවා.
දෙරට අතර පැවැත්වෙන පළමු ටෙස්ට් ක්‍රිකට් තරඟයේ තුන් වන දිනය අදයි.
තරඟය පැවැත්වෙන්නේ ගාල්ල ජාත්‍යන්තර ක්‍රිකට් ක්‍රීඩාංගණයේදීයි.
