නීතිවිරෝධී ලෙස මෙරටට රැගෙන ඒමට උත්සහ කළ බීඩි කොළ කිලෝ එක්දහස් තුන්සිය දහ අටයි ග්‍රෑම් විසි දෙකක තොගයක් නාවික හමුදාව විසින් සිය භාරයට ගෙන තිබෙනවා.
ඒ, තලෙයිමන්නාරම සහ මන්නාරම මුහුදු ප්‍රදේශ ආශ්‍රිතව සිදුකල සෝදිසි මෙහෙයුම්වලදීයි.
එම බීඩි කොළ තොගයේ වටිනාකම රුපියල් ලක්ෂ 8ක් පමණ වන බවයි නාවික හමුදා මාධ්‍ය ඒකකය පැවසුවේ.
එම බීඩි කොළ තොගය ඉදිරි නීතිමය කටයුතු සඳහා පොලිසියට භාරදීමට නියමිත බවද නාවික හමුදා මාධ්‍ය ඒකකය වැඩිදුරටත් සඳහන් කළා.
