ඇමරිකානුවන් පිළිබඳ ඔත්තු බැලීමට හෝ වාහන කඩාකප්පල් කිරීමට භාවිතා කළ හැකි මෘදුකාංග සහ ඩිජිටල් සම්බන්ධතා පිළිබඳ මාස ගණනාවක විමර්ශනයකින් පසුව බයිඩ්න් පරිපාලනය විසින් අමෙරිකාවේ මාර්ගවලින් චීනයේ නිෂ්පාදිත වාහන තහනම් කරන නව නීති යෝජනා කර තිබෙනවා.
විදෙස් මාධ්‍ය පැවසුවේ යෝජිත නීති පැමිණෙන්නේ චීන මෝටර් රථ නිෂ්පාදකයින් ගෝලීය වෙළඳපල තුළ වඩාත් බලවත් වීම, අධි තාක්‍ෂණික වාහන අපනයනය කිරීම සහ බටහිර නිෂ්පාදකයින්ට නව අභියෝග එල්ල කිරීම, ස්ථාපිත සංවේදක, කැමරා සහ මෘදුකාංග ඔත්තු බැලීම හෝ වෙනත් දත්ත රැස් කිරීමේ අරමුණු සඳහා භාවිතා කළ හැකි බවට රටවල් තුළ සැක මතුවීම සමඟ බවයි.
චීනයේ නිෂ්පාදිත වාහන තවමත් අමෙරිකානු මාර්ගවල බහුලව දක්නට නොලැබෙන නමුත් යුරෝපයේ, ආසියාවේ සහ අනෙකුත් වෙළඳපලවල බහුලව දක්නට ලැබේ.
නව නීති, එක්සත් ජනපද වාණිජ මණ්ඩලයෙන් ඉදිරිපත් කෙරෙන ජාතික ආරක්ෂක ක්‍රියාවක් ලෙස විස්තර කර ඇති අතර, වාහන සම්බන්ධතා පද්ධතිය සහ ස්වයංක්‍රීය රියදුරු පද්ධතියට ඒකාබද්ධ කරන ලද මෘදුකාංග කෙරෙහි එහිදී අවධානය යොමු කරයි.
“මෙම පද්ධති වෙත අනිෂ්ට ප්‍රවේශය මගින් විරුද්ධවාදීන්ට අපගේ වඩාත් සංවේදී දත්ත වෙත ප්‍රවේශ වීමට සහ රැස් කිරීමට සහ ඇමරිකානු මාර්ගවල දුරස්ථව මෝටර් රථ හැසිරවීමට ඉඩ සැලසිය හැකිය,” රාජ්‍ය දෙපාර්තමේන්තුව ප්‍රකාශයක් නිකුත් කරමින් පවසා තිබෙනවා.
චීනයෙන් හෝ රුසියාවෙන් නිෂ්පාදනය කෙරෙන ඇතැම් තාක්ෂණයන් එක්සත් ජනපදයේ තීරණාත්මක යටිතල පහසුකම් සහ සම්බන්ධිත වාහන භාවිතා කරන අයට අනවශ්‍ය අවදානමක් එල්ල කරන බව එම දෙපාර්තමේන්තුව පවසනවා.
