ඊශ්‍රායලය හිස්බුල්ලා සංවිධානයට එරෙහි ප්‍රහාර වේගවත් කිරීම හේතුවෙන් මේ වන විට බේරූට් හි ආරක්ෂිත ස්ථානයක් ඉතිරිව නොමැති බව බේරූට් නගරයේ නගරාධිපති පවසනවා.
විදෙස් මාධ්‍ය වෙත ඔහු පවසා ඇත්තේ පසුගිය සති කිහිපය පුරා ලෙබනනයේ ඊශ්‍රායලයේ ප්‍රහාර “බීරූට්හි ආරක්ෂිත ස්ථානයක් ඉතිරි කර නොමැති බවත් ඊශ්‍රායලයේ ඉලක්ක ව්‍යාප්ත වී ඇති බැවින් ඊළඟට පහර දිය හැක්කේ කුමක් දැයි බොහෝ අය නොදන්නා බවයි
ඔහු සඳහන් කරන්නේ අවදානමට ලක්ව ඇත්තේ සටන්කාමී කණ්ඩායම් හා සම්බන්ධ ප්‍රදේශ පමණක් නොවන බවයි
තවද ඔහු විදෙස් මාධ්‍ය වෙත පවසා ඇත්තේ මෙවැන්නක්
“මෙම ගොඩනැගිල්ලේ හෝ එම ගොඩනැගිල්ලේ ජීවත් වන්නේ කවුරුන්දැයි ඔබ නොදනී, එබැවින් එහි ඉලක්කයක් තිබේදැයි ඔබ නොදනී.
"ඔබට තවදුරටත් බේරූට් ආරක්ෂිත යැයි පැවසිය නොහැක. මීළඟ ඊශ්‍රායල ඉලක්කය කොතැනද, කිසිවෙකු දන්නේ නැත."
මේ වන විට ලෙබනනයේ සෞඛ්‍ය යටිතල පහසුකම් දැඩි ලෙස හානි වී තිබෙන බව විදෙස් මාධ්‍ය වාර්තා කරනවා
සමස්තයක් වශයෙන් ගත වූ වසර තුළ සෞඛ්‍ය පහසුකම්වලට ප්‍රහාර 36ක් එල්ල වී ඇති අතර සෞඛ්‍ය සේවකයින් 77 දෙනෙකු මිය ගොස් තවත් 74 දෙනෙකු තුවාල ලබා ඇති බව ලෝක සෞඛ්‍ය සංවිධානය පවසන්නේ.
තවද පසුගිය සතියේ එක් දිනක් තුළ සෞඛ්‍ය සේවකයින් 28 දෙනෙකු මිය ගොස් දෙදෙනෙකු තුවාල ලබා ඇති බවයි විදෙස් මාධ්‍ය වාර්තා කරන්නේ.
