අඩුපාඩු අවම කර ගනිමින් ක්‍රීඩා කර නවසීලන්ත කණ්ඩායම සමග පැවැත්වෙන ක්‍රිකට් තරඟාවලිය ජය ගැනීමට කටයුතු කරන බව ශ්‍රී ලංකා නායක චරිත් අසලංක පවසනවා.
නවසීලන්තයේදී පැවැත්වෙන එම තරඟාවලියට සහභාගි වීම සඳහා ඊයේ රාත්‍රියේ දිවයිනෙන් පිටත්ව යාමට පෙර මාධ්‍ය හමුවේ අදහස් දක්වමින් ඔහු මේ බව කියා සිටියා.
පන්දුවාර විස්සයි විස්ස ක්‍රිකට් තරඟාවලියෙන් තුන් ඉරියව් ක්‍රීඩක දුනිත් වෙල්ලාලගේ ඉවත් කිරීම සම්බන්ධයෙන්ද චරිත් අසලංක අදහස් පළ කළා.
ශ්‍රී ලංකා කණ්ඩායම සහ නවසීලන්ත කණ්ඩායම අතර පුහුණු තරඟයක් ලබන 23 වනදා පැවැත්වෙනවා.
ඉන් අනතුරුව ලබන 28වනදා තරඟ තුනකින් යුත් පන්දුවාර විස්ස ක්‍රිකට් තරඟාවලිය ආරම්භ වනවා.
කණ්ඩායම් දෙක අතර එක්දින තරඟ තුනක්ද පැවැත්වීමට නියමිතයි.
එහි පළමු තරඟය ජනවාරි 05වනදා ආරම්භ වීමට නියමිතව තිබෙනවා.
