ගාලු මුවදොර පරිශ්‍රයට අද පස්වරුවේ සිට රථ වාහනවලින් පැමිණෙන ජනතාව හඳුන්වාදී ඇති රථගාල්වල සිය වාහන ගාල් කර පැමිණිය යුතු බව පොලිසිය පවසනවා.
එම රථගාල්වල සිට ගාලුමුවදොර පිටියට පැමිණීම සඳහා ඔවුන් වෙනුවෙන් විශේෂ ප්‍රවාහන සේවයක් ද ක්‍රියාත්මක බවයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා පැවසුවේ.
මේ අතර කොළඹ නගරයේ මාර්ග දෙපස රථ වාහන නතර කිරීමට අද දිනයේ අවස්ථාව ලබා නොදෙන බවද පොලිස් මාධ්‍ය ප්‍රකාශකවරයා පැවසුවා.
