පසුගිය 14 වනදා මීගොඩ පොලිස් වසමේ නාගහවත්ත ප්‍රදේශයේදී මෝටර් රථයකින් ගමන් කරමින් සිටි පුද්ගලයෙකුට වෙඩි තබා ඝාතනය කිරීමේ සිද්ධියට සම්බන්ධ සැකකරුවෙකු බස්නාහිර පළාත - දකුණ අපරාධ කොට්ඨාසය මඟින් අත්අඩංගුවට ගෙන තිබෙනවා.
ඒ අදාළ සැකකරු නීතීඥවරයෙකු මාර්ගයෙන් එම කොට්ඨාසය වෙත ඉදිරිපත් වීමෙන් අනතුරුවයි.
එලෙස අත්අඩංගුවට ගෙන ඇති සැකකරු 27 හැවිරිදි මීගොඩ ප්‍රදේශයේ පදිංචිකරුවෙක්.
එම සැකකරු මීගොඩ පොලිස් වසමේ සිදු වූ මනුෂ්‍ය ඝාතනයට තැත් කිරීමේ සිද්ධීන් දෙකකට සම්බන්ධ වෙඩික්කරු ලෙසද කටයුතු කර ඇති බවයි විමර්ශනවලදී අනාවරණ වී ඇත්තේ.
පසුගිය 14 වනදා මීගොඩ පොලිස් වසමේ නාගහවත්ත ප්‍රදේශයේදී සිදු වූ වෙඩි තැබීමේ සිද්ධිය සම්බන්ධයෙන් සැකකරුවන් 07 දෙනෙකු මීට පෙර අත්අඩංගුවට ගෙන රක්ෂිත බන්ධනාගාර ගත කර තිබෙනවා.
