උතුරුමැද පළාත් වාර විභාගයේ ප්‍රශ්න පත්‍රයක් පිටවෙයි

උතුරු මැද පළාතේ 11 ශ්‍රේණිය වාර විභාගයේ අද පැවැත්වීමට නියමිතව තිබූ සිංහල සාහිත්‍ය ප්‍රශ්න පත්‍රය සිසුන්ට ලබා දීම අත්හිටුවා තිබෙනවා. 

ඒ, එම ප්‍රශ්න පත්‍රය සමාජ මාධ්‍ය ඔස්සේ කලින් පිටවීම හේතුවෙන්. 

ඒ අනුව කලාප 8ක කොට්ඨාස 30කට අයත් පාසල් 600කට අධික ප්‍රමාණයකට අදාළ ප්‍රශ්න පත්‍රය බෙදාහැරීම නතර කර තිබෙනවා. 

උතුරු මැද පළාත් අධ්‍යාපන සහ ප්‍රධාන අමාත්‍යංශ ලේකම් සිරිමෙවන් ධර්මසේන මහතාගේ උපදෙස් මත ඒ සම්බන්ධයෙන් අනුරාධපුර පොලිස් ස්ථානයට පැමිණිල්ලක්ද සිදු කර තිබෙනවා.