දුම්වැටි බද්ද සියයට 90 දක්වා ඉහළ නැංවීමට තමා කැබිනට් මණ්ඩලයට ඉදිරිපත් කළ යෝජනාව වැඩිකල් නොයවා සම්මත කර ගැනීමට කටයුතු කළයුතු බවට ජනාධිපති මෛතී‍්‍රපාල සිරිසේන මහතා අද (03) විවෘත පණිවිඩයක් ලබාදුන්නා.
ඒ, මහරගම අපේක්‍ෂා පිළිකා රෝහලේ නව ගොඩනැගිල්ල විවෘත කිරීමේ අවස්ථාවට එක්වෙමින්.
අද කළයුතු දේ හෙටට කල්දමා මුළුමහත් ජාතියම රෝගීන් බවට පත්කිරිමේ ඛේදවාචකයට උරනොදෙන ලෙසයි ජනාධිපතිවරයා මැතිඇමතිවරුන්ගෙන් මෙහිදී ඉල්ලා සිටියේ.
මේ අතර 150 වන පොලිස් දිනය වෙනුවෙන් බම්බලපිටිය පොලිස් කී‍්‍රඩාංගණයේ පැවති නිල උත්සවයටද ජනාධිපතිවරයා සහභාගි වුණා.
පොලිසිය පොදු ජන සේවාව සදහාම කැපවූ ආයතනයක් වියයුතු බවයි ජනාධිපතිවරයා එහිදී කියාසිටියේ.
මේ අතර ජනධිපති මෛතී‍්‍රපාල සිරිසේන මහතාගේ 65 වන ඡන්ම දිනයද අදට යෙදි තිබෙනවා.
