නිරංජනී ශම්මුගරාජා රංගන ශේෂ්ත්‍රයට පිවිසෙන්නේ වේදිකා නාට්‍ය හරහා.පසුව අශෝක හඳගමගේ ඉනිඅවන් චිත්‍රපටය හරහා සිනමා නිළියක ලෙස අත්පොත් තබන ඇය ප්‍රේක්ෂයන් අතරේ නමක් දිනාගනු ලබනවා.
අද වනවිට ඇය නිවේදිකාවක මෙන්ම දක්ෂ සම්මානනීය නිළියක්.
මෑත කලිනව ඈ පෙනී ප්‍රධාන චරිතයට පණ පොවපු රතු සමනළ සිහිනය චිත්‍රපටය ජාත්‍යන්තර සිනමා උඵෙපවලට පවා නිර්දේශ වෙලා තිබෙනවා.
ඇය එහි ‘රාජිණි‘ නම් ප්‍රධාන චරිතය නිරූපණය කළා.
ලබන මාසේ රෑගත කිරීම් ආරම්භ වීමට නියමිත ප්‍රසන්න විතානගේගේ චිත්‍රපටක් සඳහාද ඈ පෙනී සිටිනවා.
පසුගියදා පැවති සම්මුඛ සාකච්ඡාවකදී ඈ චරිත තෝරා බේරාගන්නේ කෙසේද යන පැනයට පිළිතුරු දී තිබුණා.
‘‘ඇත්තටම මම ලැබෙන හැම චරිතයක්ම බාරගන්නේ නැහැ. මම කැමැති මට අභියෝගයක් වන චරිතයක් බාර ගන්න. මොකද අපි කරන නිර්මාණ හරහා අපි තුළ තියෙන දක්ෂතා පිළිබිඹු වෙන්න ඕනේ. ඒ නිසා මම කැමති සරල චරිතවලට වඩා අභියෝගාත්මක චරිත කරන්න‘‘.
එමෙන්ම ඈ බලාපොරෙත්තුවෙන් ඉන්න චරිත පිළිබඳවත් මෙහිදී යම් ආන්දෝලනාතක්මක අදහසක් දක්වා තිබුණා.
‘‘ඔව් ඇත්තම කියනවා නම් The Dirty Picture කියන චිත්‍රපටයේ විද්‍යා බාලන් කරපු චරිතය වගේ චරිතයක් කරන්න කැමැතියි. ඒ වගේම prostitute කෙනෙක් ගේ චරිතයක් කරන්නත් ආසයි. හැබැයි එහෙම නිර්මාණයක් කළත් සමාජයෙන් ගොඩක් ප්‍රශ්න එයි. ඇයි එහෙම චරිතයක් කළේ කියලා. නමුත් නිළියක් හැටියට හිතන්න බැරි චරිත කරන්න තමා කැමැති. මම කියන්නේ ඒවා චරිත පමණයි. ඉතින් ඇයි නිළියකට එහෙම චරිත කරන්න බැරි කියන තැනයි මම ඉන්නේ‘‘.
ප්‍රසිද්ධ නිළියක් නොව ජනකාන්ත නිලියක වීමත්,ජාත්‍යන්තර මට්ටමේ සම්මානයක් දිනා ගැනීමත් ඇගේ එකම බලාපොරොත්තුව බවත් මෙහිදී පවසා තිබුණා.
