මහරගම ප‍්‍රදේශයේ රෙදිපිළි අළෙවි සැලක අද පස්වරුවේ ඇති වූ ගින්න මේ වනවිට නිවාදමා තිබෙනවා. මෙම රෙදිපිළි අළෙවි සැල මහල් පහකින් යුත් ගොඩනැගිල්ලක පවත්වාගෙන යන්නක්. පොලීසිය පැවසුවේ පස්වරු 3.15 ට පමණ මෙම ගින්න ආරම්භ වි ඇති බවයි. ප‍්‍රබල උත්සාහයකින් පසු ගින්න නිවා දමා ඇත්තේ පස්වරු 5.30 ට පමණයි.
ශී‍්‍ර ජයවර්ධනපුර කෝට්ටේ මහනගර සභාවේ ගිනි නිවීම් ඒකකයෙන් රථ 3 ක් ගින්න ඇති වූ ස්ථානයට යොමුකර තිබුණා. දෙහිවල - ගල්කිස්ස මහනගර සභාවෙන්ද ජල බවුසරයක් එවා තිබුණු බවයි එහි සිටි නෙත් නිවුස් වාර්තාකරු පැවසුවේ. සිදුවූ අලාභය තවමත් ගණනය කර නැහැ. ගින්නට හේතුවද තහවුරු කළ නොහැකි බවයි පොලීසිය පැවසුවේ. ඒ පිළිබද විමර්ශන ආරම්භ කර ඇතැයිද ප‍්‍රකාශ කෙරුණා.
